පෝදින පින්කම් මාලා වැඩසටහනට සහභාගි වූ ඇමෙරිකානු නාවික හමුදා සාමාජිකයෝ එදින සිල් සමාදන් වූ උපාසක උපාසිකාවන්ට දානය පිරිනැමීමෙන් අනතුරුව සුනන්දාරාමයේ විහාරාධිපති මාලිගාතැන්නේ ධම්මකීර්ති හිමියන්ගෙන් ආශීර්වාද ලබා ගත්හ.
එක්සත් ජනපද - පැසිෆික් නාවික බල ඇණිය රැගත් නෞකාව පසුගිය හත්වැනිදා (මාර්තු 07) හම්බන්තොට මාගම්පුර මහින්ද රාජපක්ෂ ජාත්‍යන්තර වරායට පැමිණියේය.
ශ්‍රී ලංකා නාවික හමුදාව හා හම්බන්තොට කලාපයේ ප්‍රාදේශීය සංවිධාන සමග එක්ව කටයුතු කරන ඇමෙරිකානු නාවික හමුදාව ප්‍රජා සෞඛ්‍ය සායන, පාසල් හා රෝහල් පිළිසකර කිරීම්, වෛද්‍ය සහ ව්‍යසන වලදී ක්‍රියාත්මකවන්නන් හා අදහස් හුවමාරු කරගැනීම, සාමය හා ආරක්ෂාව පිළිබඳ කරුණුවල දී කාන්තා භූමිකාව ප්‍රවර්ධනය කිරීමේ සම්මන්ත්‍රණ ආදී වැඩ සටහන් රාශියක් ශ්‍රී ලංකාවේ දකුණු ප්‍රදේශය තුළ සිදුකරමින් සිටිති.
මුලාශ්‍ර : BBC
No comments:
Post a Comment